АҚШда сув тошқинлари оқибатида 16 киши ҳалок бўлди
Кентукки штатида тарихдаги энг кучли тошқинлар кузатилмоқда.
АҚШнинг марказий штатларида кучли ёмғирлар ва бўронлар сабабли юзага келган сув тошқинлари натижасида 16 киши ҳалок бўлди. Огаё дарёсининг суви 24 соат ичида 1,5 метрга кўтарилди, ва бу кўтарилишнинг давом этиши кутилмоқда. Кентукки штатининг Луйсвилл шаҳрида эса тарихдаги энг кучли тошқинлар кузатилмоқда.
Шунингдек, Арканзасс, Миссисипи ва бошқа штатларда ҳалокатли бўронлар содир бўлди. 2 апрелдан бошлаб, Кентиукки ва бошқа ҳудудларда 30 сантиметргача ёмғир ёғган. АҚШ Миллий метеорология хизмати йирик йўллар, кўприклар ва бошқа инфратузилма объектларининг сув тошқинларидан зарар кўриш хавфи ҳақида огоҳлантирмоқда.
Март ойида эса АҚШнинг ўрта ва жанубий ҳудудларида кучли торнадолар туфайли камида 40 киши ҳалок бўлганди.
