Хитойда кучли зилзила хавфи ошмоқда
Зилзиланинг қўшни ҳудудларга ҳам таъсир қилиш эҳтимоли юқори баҳоланмоқда.
Пекин Зилзилалар агентлигининг катта муҳандиси Чжу Хунбин бошчилигида ўтказилган тадқиқот натижаларига кўра, яқин йилларда Хитой ва унга қўшни ҳудудларда Мянмадаги каби кучли ер ости силкинишлари содир бўлиши мумкин.
Олимлар 1879 йилдан буён қайд этилган қарийб 150 та зилзи лани таҳлил қилиб, уларнинг асосида олтита йирик сейсмик фаоллик даврини аниқлашди. Уларнинг фикрича, ҳозирги пайтда минтақада янги фаоллик даврига ўтиш жараёни бошланган бўлиши мумкин.
Тадқиқотчилар ҳисоботида айтилишича, кучланиш зонаси шимоли-шарққа қараб силжиши эҳтимоли мавжуд. Шу сабабли, Хитойнинг Сйчуан ва Юннан провинциялари ҳамда Ҳимолай тоғ тизмаси атрофидаги ҳудудларда кучли зилзилалар содир бўлиш хавфи ошган.
Мутасадди ташкилотлар бу таҳдидга жиддий ёндашиш, аҳолини огоҳлантириш ва фавқулодда ҳолатларга тайёр туришни тавсия этмоқда.
