Япония бош вазири АҚШга ташриф буюриб, тарифларни муҳокама қилмоқчи
У Трамп билан учрашишга тайёрлигини таъкидлаган.
Япония бош вазири Шигеру Ишиба тез орада АҚШга ташриф буюриб, президент Доналд Трамп билан савдо тарифлари бўйича музокаралар ўтказишга тайёрлигини билдирди. Бу ҳақда у парламентнинг буджет комиссиясида маълум қилган.
Ишиба ҳозирча ташриф санаси бўйича якуний қарор қабул қилинмаганини айтиб, зарурат туғилса, шахсан ўзи Трамп билан учрашишга тайёрлигини таъкидлади. У Қўшма Штатлар билан турли даражадаги доимий музокаралар давом этаётганини эслатди.
Бош вазир Япония АҚШдан тариф имтиёзлари олмаганидан афсусда эканини билдириб, бу борадаги музокараларни давом эттиришга ваъда берди. Шунингдек, Япония савдода “ноҳақлик қилмаслигини” таъкидлаб, буни Америка томонига аниқ етказиш муҳимлигини қайд этди.
