Эрон ядровий қурол яратмоқчи эмаслигини билдирди
Эрон ҳозиргача Вашингтондан бу музокара таклифига расмий жавоб олмаган.
Эрон ташқи ишлар вазири Исмоил Бағий матбуот анжуманида Теҳрон ядровий қурол яратмоқчи эмаслигини таъкидлади. Унинг сўзларига кўра, бу Эрон олий раҳбари Али Хоманаий томонидан берилган фатво асосида белгиланган қатъий эътиқодга асосланган.
Бағий шунингдек, Эрон қуролли кучлари юқори тайёргарлик ҳолатида бўлиб, агар АҚШ ҳужум қилса, мамлакатни ҳимоя қилишга тайёрлигини маълум қилди. У Эроннинг ядровий келишув бўйича билвосита музокаралар ўтказиш таклифини «ақлли» ва «саховатли» деб атади.
Эрон ҳозиргача Вашингтондан бу музокара таклифига расмий жавоб олмаган. Теҳрон музокараларда Уммонни воситачи сифатида кўришни истамоқда.
Шунга қарамай, Эрон бойитилган уран захирасини 60 фоизгача оширган, бу эса қурол даражасига (90 фоиз) яқин. Экспертларга кўра, бу миқдор Эрон ядровий келишувида белгиланган лимитдан 40 баробар кўп.
