Маск Трампдан божларни камайтиришни шахсан сўради
У Трампнинг тариф сиёсати бўйича маслаҳатчисини ҳам танқид қилган.
Тесла ва СпасеХ асосчиси Илон Маск АҚШ президенти Доналд Трампдан 200 дан ортиқ мамлакатга нисбатан жорий этилиши режалаштирилган 10–50 фоизлик «кўзгу» тарифларини қайта кўриб чиқишни шахсан сўради.
Манбаларга кўра, Маск дастлаб Трампнинг тариф сиёсати бўйича маслаҳатчиси Питер Наваррони танқид қилган, дам олиш кунлари эса бевосита Трамп билан мулоқот қилган. Аммо бу ҳали натижа бермаган. Нашр бу вазиятни Трамп ва унинг энг яқин маслаҳатчилари орасидаги “энг жиддий келишмовчилик” дея баҳолади.
Трампнинг бож сиёсати АҚШдаги энг йирик донорлар томонидан кескин танқидга учради. “Ҳоме Депот” асосчиси Кен Лангоне ва инвестиция бошқарувчиси Стенли Друккенмиллер божларни ҳаддан ташқари юқори ва хатарли деб баҳолади. Трамп эса “баъзида иқтисодиётни даволаш учун дори керак бўлади”, дея ўз позициясини сақлаб қолмоқда.
