Миср ва Франция стратегик иттифоқ бўйича келишувга эришди
Макрон Ғазодаги урушни танқид қилди.
Франция Президенти Эммануэл Макроннинг Қоҳирага расмий ташрифи чоғида Миср ва Франция раҳбарлари ўзаро музокаралар ўтказиб, стратегик йўналишдаги ҳамкорликни мустаҳкамловчи бир қатор ҳужжатларга имзолашди.
Икки давлат президентлари матбуот анжуманида сўнгги воқеаларга, хусусан, Ғазо секторидаги кескин вазиятга алоҳида тўхталди. Улар можарони зудлик билан тўхтатиш, ўт очишни бас қилиш ва инсонпарварлик ёрдамини етказиш муҳимлигини таъкидладилар.
Макрон ўз чиқишида Исроилнинг Ғазодаги ҳарбий ҳаракатларини танқид остига олиб, тинч аҳолининг мажбурий кўчирилишига ва ҳудудларни бир томонлама аннекция қилишга қарши эканини қатъий билдирди.
Франция ва Миср ўртасидаги бу стратегик битим хавфсизлик, иқтисодиёт ва маданий соҳаларда яқин ҳамкорликни янада чуқурлаштиришга хизмат қилиши кутилмоқда.
