Нигерияда қуролли ҳужум содир бўлди
Фожиа оқибатида 52 киши ҳалок бўлган.
Нигериянинг шимолида жойлашган Плато штатида кетма-кет амалга оширилган қуролли ҳужумлар натижасида камида 52 киши ҳалок бўлган, яна 2000 га яқин аҳоли хавфсиз ҳудудларга кўчишга мажбур бўлди. Бу ҳақда мамлакат фавқулодда вазиятлар миллий агентлиги хабар бермоқда.
Маълумотларга кўра, ҳужумлар ўтган ҳафта Боккос округидаги олтита қишлоқда содир бўлган. Ҳужумларнинг аниқ сабаблари ҳозирча номаълум. Расмийларга кўра, бу воқеалар 2023 йил декабридан бери минтақада қайд этилган энг йирик зўравонлик тўлқини ҳисобланади — ўшанда ҳам юздан ортиқ одам ҳаётдан кўз юмганди.
Плато штати узоқ йиллардан буён деҳқонлар ва чорвадорлар ўртасидаги замин можаролари, этник ва диний зиддиятлар билан боғлиқ тўқнашувларга гувоҳ бўлиб келмоқда.
Нигерия Президенти Бола Тинубу эса мамлакат хавфсизлик хизматларига ҳужумчиларнинг шахсини аниқлаб, уларни жазолашни буюрган.
