Трамп Эронга огоҳлантириш берди
Музокаралар муваффақиятсиз тугаса Теҳрон хавф остида қолиши мумкин.
АҚШ президенти Доналд Трампнинг таъкидлашича, агар Эрон билан олиб борилаётган музокаралар ижобий натижа бермаса, Теҳрон катта хавф остида қолади.
У, шунингдек, Эрон билан янги битим тузиш эҳтимолини рад этмади. Трампнинг сўзларига кўра, бу битим аввалги “Қўшма кенг қамровли ҳаракатлар режаси”дан фарқ қилади ва эҳтимол ундан ҳам кучлироқ бўлади.
“Бу янги, тамоман бошқача ёндашув бўлади. Менимча, у аввалгисидан анча самарали ва қатъийроқ бўлади,” — деди Трамп.
Унинг бу баёноти Эрон билан бўладиган дипломатик муносабатларга оид глобал эътиборни кучайтирди.
