Хитой суди 100 тонна тирик тимсоҳни аукционга чиқарди
Харидорлар тимсоҳларни тутиш, тортиш ва ташиш билан боғлиқ барча харажатларни ўз зиммасига олади.
Хитойнинг Шенчжен шаҳридаги Наншан халқ суди 100 тонна тирик циам тимсоҳини онлайн аукционда 550 минг доллардан сотувга қўйди. Бу тимсоҳлар қарзини тўлай олмаган фермердан тортиб олинган.
Баҳолашларга кўра, улар 200 дан 500 кг гача вазнга эга 200–500 бош тимсоҳдан иборат. Харидорлар тимсоҳларни тутиш, тортиш ва ташиш билан боғлиқ барча харажатларни ўз зиммасига олади. Шунингдек, улар тимсоҳларни кўпайтириш учун махсус лицензияга эга бўлишлари керак.
Савдо Алибаба платформасида 9 майгача давом этади. Ҳозирча саҳифани 4 мингга яқин фойдаланувчи кўрган, бироқ бирор иштирокчи ҳали рўйхатдан ўтмаган.
Хитойда циам тимсоҳларини кўпайтириш ва улардан маҳсулотлар ишлаб чиқаришга 2003 йилдан буён рухсат берилган. Бу ҳайвонлардан тери, гўшт, косметика ва ҳатто вино ишлаб чиқарилади.
