Евроиттифоқ 15 апрелдан АҚШ маҳсулотларига бож жорий қилади
Тақиқларнинг иккинчи тўлқини май ойида эълон қилиниши кутилмоқда.
Европа Иттифоқи АҚШнинг янги тарифларига жавобан 15 апрелдан айрим Америка маҳсулотларига жавоб божлари жорий қилади. Божлар шимлар, виски, ерёнғоқ ёғи ва мототциклларга нисбатан қўлланади.
Еврокомиссия вакили Марош Шефчовичга кўра, бу чора АҚШ президенти Доналд Трампнинг Европадан келтириладиган товарларга бож белгилашига жавобдир. Янги божлар 9 апрелда тасдиқланади, май ойида эса парранда, гўшт, тухум, сут маҳсулотлари, тўқимачилик ва техника каби маҳсулотлар ҳам рўйхатга киритилиши мумкин.
Трамп бу тарифларни АҚШнинг савдо балансидаги салбий фарқ билан изоҳлаб, бошқа давлатларни ёлғончиликда айблади. Унинг қарори халқаро норозиликларга сабаб бўлди, бозорларда пасайиш, нефть нархи тушиши ва инфляция хавфини кучайтирди.
Эслатиб ўтамиз, аввалги президентлик даврида Трамп пўлат ва алюминийга бож жорий қилган, ЕИ эса жавобан тарифлар қўллаган эди. Кейинчалик бу божлар Жо Байден маъмурияти билан келишилган ҳолда бекор қилинган эди.
