2024 йилда дунё бўйича 1518 киши қатл этилди
Бу 2015 йилдан бери энг юқори кўрсаткич ҳисобланади.
Халқаро Амнистия ташкилоти 2024 йилда дунё бўйлаб амалга оширилган ўлим жазолари ҳақида янги ҳисобот эълон қилди. Унга кўра, 15 та мамлакатда жами 1518 киши қатл этилган. Бу 2015 йилдан бери қайд этилган энг юқори кўрсаткичдир.
Ҳисоботда таъкидланишича, ушбу рақамга Хитой, Шимолий Корея ва Ветнамдаги қатллар киритилмаган. Ушбу давлатларда минглаб одамларнинг қатл этилгани тахмин қилинади, аммо бу ҳолатлар махфийлик сабабли тасдиқланмаган. Шунингдек, Фаластин, Сурия ва бошқа уруш зоналарида содир бўлган қатл ҳолатлари ҳам статистикага қўшилмаган.
Қатлларнинг катта қисми Яқин Шарқ давлатларига тўғри келади. Саудия Арабистони, Эрон ва Ироқ – бу уч мамлакатда 1380 та ўлим жазоси амалга оширилган. Бу умумий рақамнинг деярли тўлиқ қисмини ташкил этади.
Халқаро Амнистия Бош котиби Анес Калламарднинг таъкидлашича, ўлим жазоси замонавий дунёда ўрин эгалламаслиги керак: “2024 йилда атиги 15 давлат қатлларни амалга оширди. Бу рақам иккинчи йил кетма-кет паст даражада бўлиб, дунё бу шафқатсиз, ғайриинсоний ва қадр-қимматни камситувчи жазодан аста-секин воз кечаётганини кўрсатади.”
