Хитойда қариялар уйида ёнғин содир бўлди
Фожиа оқибатида 20 киши ҳалок бўлган.
Хитойнинг Сичуан провинциясидаги Ченгду шаҳрида жойлашган қариялар уйида ёнғин содир бўлди. Маҳаллий ҳокимият вакилларининг маълумотига кўра, ҳодиса оқибатида камида 20 нафар киши ҳалок бўлган.
Ёнғиндан омон қолганлар зудлик билан яқин атрофдаги шифохоналарга йптқизилган. Ҳозирда улар тиббий назорат остида.
Воқеа жойига ўт ўчириш ва қутқарув бригадалари тезкор етиб борган бўлсада, ёнғин тез тарқалган. Ёнғиннинг айнан нима сабабдан келиб чиққани ҳали аниқланмаган. Тергов ишлари олиб борилмоқда.
Маҳаллий аҳоли ва ижтимоий тармоқларда бу фожиа кенг муҳокама қилинмоқда. Қариялар уйлари хавфсизлиги борасида саволлар кўтарилмоқда.
