Amazon Хитой ва Осиёдан буюртмаларни бекор қилди
Amazon божлар сабаб Хитой маҳсулотларидан воз кечмоқда.
Amazon компанияси Хитой, Ветнам ва Таиланд каби мамлакатлардан маҳсулот харид қилиш бўйича берган бир нечта буюртмаларни бекор қилди. Хабарларга кўра, бу қарор АҚШ президенти Доналд Трамп томонидан 2 апрель куни эълон қилинган янги импорт божлари билан боғлиқ.
Мазкур божлар дунёнинг 180 дан ортиқ мамлакат ва ҳудудларидан АҚШга олиб кириладиган маҳсулотларга тааллуқли бўлиб, улар қуёш креслолари, скутерлар, кондиционерлар каби турли товарларни ҳам қамраб олади. Amazon'нинг бу ҳаракати айнан шу божлар сабаб амалга оширилгани таҳмин қилинмоқда.
2024 йилнинг февраль ойидаги молиявий ҳисоботида Amazon савдо низолари ва тарифлар компания фаолиятига хавф солаётганини билдирган эди. “Хитойлик етказиб берувчилар бизнинг асосий ҳамкорларимиздан бири бўлиб қолмоқда”, — дейилади ҳисоботда.
8 апрель куни Роберт W. Baird & Co. Inc. таҳлилчилари Amazon'нинг 2025 йилги даромад прогнозини камайтирди. Шунингдек, компания акцияларининг қиймати йил бошидан буён 21,7 фоизга тушган.
