iPhone нархи уч баравар ошиши мумкин
Аппле ишлаб чиқаришни АҚШга кўчиришни режалаштирмоқда.
iPhone нархи келажакда уч баравар ошиши мумкин. Wedbush Securities компанияси мутахассиси Ден Ивес берган интервьюсида, агар Apple ишлаб чиқаришни тўлиқ АҚШга кўчиришга қарор қилса, смартфон нархи ҳозирги 1000 доллардан 3500 долларгача кўтарилиши мумкинлигини айтди.
Бугунги кунда iPhone'лар асосан Осиёда ишлаб чиқарилади. Чиплар Тайванда, экранлар Жанубий Кореяда тайёрланади, якуний йиғишнинг 90 фоизи эса Хитойда амалга оширилади. Аммо АҚШ ва Хитой ўртасида кучайган савдо уруши сабабли, Apple таъминот занжирини қайта кўриб чиқишга мажбур бўлмоқда.
АҚШ 125 фоиз бож жорий қилган бўлса, Хитой ҳам жавобан 84 фоиз бож қўллади. Бу эса Apple'ни ишлаб чиқаришни АҚШга, жумладан Ғарбий Виржиния ва Ню-Жерси штатларига кўчиришга ундамоқда. Ҳисоб-китобларга кўра, ишлаб чиқаришнинг атиги 10 фоиз қисмини кўчириш ҳам 30 миллиард долларга тушади ва 3 йил вақт олади.
Экспертларнинг таъкидлашича, Apple'нинг бутун ишлаб чиқариш тизимини АҚШда қайта қуриш қийин, чунки бундай даражадаги малакали ишчи кучи ва инфратузилма ҳозирча мавжуд эмас. Шу сабабли, ишлаб чиқаришни қисман Мексика, Канада ёки Европага кўчириш эҳтимоли ҳам кўриб чиқилмоқда.
Соунтерпоинт Ресеарч компанияси iPhone нархи ишлаб чиқариш жойига қараб 30 фоизгача ошишини айтган. Росенблатт Сесуритиес эса, агар Apple бож харажатларини тўлиқ истеъмолчига юкласа, нарх 43 фоизга қимматлашишини тахмин қилмоқда.
Хабарларга кўра, божлар эълон қилингач, Apple дўконларида навбатлар пайдо бўлиб, харидорлар нархлар яна ошишидан хавотирда.
