Хитойда иммунитетни 150 баробар кучайтирувчи вакцина яратилди
SABER вакцинаси инсониятни саратон ва вируслардан асраши мумкин.
Хитойлик олимлар SABER номли инқилобий янги вакцинани ишлаб чиқишди — у саратон ва вирусларга қарши курашишда тарихда мисли кўрилмаган даражада кучли таъсир кўрсатмоқда. Тадқиқотларга кўра, бу вакцинани олган жониворларнинг иммунитети COVID-19 га нисбатан 150 баробар кучли бўлган.
Вакцинанинг асосий ноёб жиҳати — у антигенларни организмнинг илгари “иммунитет етиб бора олмаган” жойларига етказиб беришга қодир. SABER, хусусан, хавфли меланомани (тери саратони тури) сичқонларда тўлиқ йўқ қилган.
Тадқиқотлар ҳали дастлабки босқичда бўлсада, натижалар мутлақо ижобий: бу нафақат саратон, балки коронавирусга ўхшаган кучли вирусларга қарши ҳам универсал платформа бўлиши мумкин. Одамларда синовлар яқин орада бошланиши кутилмоқда.
Агар синовлар муваффақиятли ўтса, SABER замонавий тиббиётда иммунотерапиянинг янги даврини бошлаб бериши мумкин.
