Америкалик эркак 30 йиллик титроқлардан бир неча соатда халос бўлди
Технология кучи билан 30 йиллик қийналиш бир зумда якун топди.
Флорида штатида яшовчи 72 ёшли Орландо Авендано 30 йилдан буён қўлларининг титраши билан яшаб келарди. Бу ҳолат оддий кундалик ишларни, ҳатто овқат ейиш ёки ўз исмини ёзишни ҳам имконсиз қилиб қўйган эди. Бир стакан сув ичиш учун у уни икки қўли билан ушлаб туришга мажбур эди.
Аммо яқинда Делрай-Бич шаҳрида ўтказилган ноёб протседура унинг ҳаётини ўзгартириб юборди. Нейрохирурглар замонавий технологиядан – ультратовушли фокуслаш усулидан фойдаланган ҳолда Авенданонинг миясида титроққа сабаб бўлаётган марказни аниқлашган ва патология манбасини йўқ қилишган. Ушбу усулда ҳомилани текширишда ишлатиладиган товуш тўлқинлари асосида ишловчи «Неуравиве» номли махсус «дубулға»дан фойдаланилган.
Жараёндан атиги бир неча соат ўтиб, Авендано қўлини титроқ ҳолда эмас, эркин равишда ҳаракатлантира олди. Шифокор Ллойд Тсукер бу воқеани "ақл бовар қилмас енгиллик" деб атади.
