Ҳиндистон ва Непалда кучли ёмғир кузатилмоқда
Табиий офат оқибатида 100 дан ортиқ киши ҳалок бўлди.
Ҳиндистон ва Непалда сўнгги кунларда ёғган кучли ёмғирлар натижасида юзага келган тошқинлар 100 дан ортиқ инсон ҳаётига зомин бўлди. Энг катта талафот Ҳиндистоннинг Бихар штатида қайд этилган.
Мамлакат метеорологлари огоҳлантиришича, об-ҳаво яқин кунларда яна ҳам ёмонлашади — кучли момақалдироқли ёмғирлар, ҳаддан ташқари иссиқ ҳарорат ва бошқа нохуш ҳолатлар кутилмоқда.
Расмийлар аҳолига эҳтиёткор бўлишни ва зарур ҳолатларда хавфсиз жойларга кўчишни тавсия қилмоқда. Қутқарув ишлари давом этмоқда.
