АҚШ смартфон ва компьютер импортига бож тўловларини бекор қилди
Божлар нархлар ошиб кетмаслиги учун бекор қилинган.
АҚШ Божхона-хавфсизлик хизмати ҳукумат томонидан белгиланган бож олинмайдиган маҳсулотлар рўйхатини эълон қилди. Маълум қилинишича, бу истиснолар Доналд Трамп маъмурияти даврида жорий этилган бож сиёсатида ўзгариш сифатида эътироф этилмоқда.
Рўйхатга телефонлар, ноутбуклар, қаттиқ дисклар, компьютер процессорлари, хотира чиплар ва яримўтказгич ишлаб чиқаришда қўлланиладиган ускуналар киритилган.
Мутахассисларнинг фикрича, бу қарор истеъмолчиларни нархларнинг ошиб кетишидан ҳимоя қилади ва Apple, Samsung ҳамда Taiwan Semiconductor каби компанияларга ижобий таъсир кўрсатади.
