Ерга G2 даражадаги магнит бўрон яқинлашмоқда
14–24 апрель оралиғида магнит фаоллик ошади.
Россия олимларининг маълум қилишича, 16 апрель куни Ер магнит майдонида ўртача кучдаги G2 синфига мансуб геомагнит бўрони юз бериши кутилмоқда.
Дастлабки белгилари 14 апрель тонгида сезила бошлайди. У уч кун давомида аста-секин кучайиб, 16 апрель куни кечки соат 19:00 да ўзининг энг юқори чўққисига чиқади. Кечқурун эса бўрон кучи пасайиб, G1 даражасига тушади ва босқичма-босқич тугайди.
Шунингдек, 17 апрель куни геомагнит фон яна бироз кучайиши мумкин, бироқ бу бўрон даражасига етмайди.
Навбатдаги геомагнит фаоллик эса 22 ва 24 апрель кунларига прогноз қилинган.
