АҚШ доллари янги таҳдидга дуч келмоқда
Инвесторлар капиталини еврога кўчирмоқда.
Маълум қилинишича, АҚШ доллари узоқ йиллар давомида глобал хавфсиз инвестиция воситаси сифатида қаралган бўлсада, сўнгги йилларда бу мақом заифлашмоқда. Бунга Доналд Трампнинг савдо урушларини бошлаган вақтидаги ноаниқ сиёсий кураши сабаб бўлган.
Таҳлилларга кўра, АҚШ давлат облигацияларининг даромадлилиги ортиб бораётган бир пайтда доллар қиймати пасайишда давом этмоқда. Натижада, инвесторлар капиталини еврога ўтказишга интилмоқда.
Экспертларнинг фикрича, агар бу тенденция давом этса, евро нархи 1,2 долларгача ошиши мумкин. Бу эса 2021 йил ўрталаридан бери энг юқори даража бўлади, гарчи ҳозирча бу кўрсаткич кўплаб иқтисодий прогнозларда инобатга олинмаган.
