АҚШда биринчи бўлиб Флорида Мексика кўрфази номини ўзгартирди
Рон ДеСантис “Америка кўрфази” қонунини имзолади.
Флорида штати АҚШда биринчи бўлиб Мексика кўрфазининг номини ўзгартиришга расмий тарзда киришди. Губернатор Рон ДеСантис “Мексика кўрфази” атамасини “Америка кўрфази” билан алмаштиришга оид қонун лойиҳасини имзолади.
Бу қарор штат даражасида топоним ўзгаришини қонунийлаштирган биринчи ҳолат бўлиб тарихда қолди. Қонун ташаббускорларидан бири: “Флорида президент Трампнинг сиёсий йўналишини давом эттирганидан ва Америка кўрфазини тан олган биринчи штат бўлганидан фахрланади”, — дея баёнот берди.
Ижтимоий тармоқларда эса губернаторлик офиси вакиллари яшил фонли “Америка кўрфази” деган янги йўл белгиларини кўтариб турган суратлар билан бўлишмоқда.
