Ироқда кучли қум бўрони кузатилмоқда
Қум бўрони соғлиқ муаммоларини келтириб чиқармоқда.
Ироқда марказий ва жанубий ҳудудларни қамраб олган кучли қум бўрони туфайли 1800 дан ортиқ одам нафас олишда жиддий муаммоларга дуч келмоқда.
Ироқ соғлиқни сақлаш идоралари воқеани табиий офат деб баҳолаб, айниқса чанг ва қумга сезувчан фуқароларга тиббий ёрдам кўрсатмоқда. Қум бўрони натижасида Нажаф ва Басра шаҳарларидаги халқаро аэропортлар фаолиятида узилишлар кузатилди.
Мутахассислар огоҳлантиришича, бу каби чанг бўронлари Ироқда янада тез-тез юз бериши мумкин. БМТ маълумотларига кўра, Ироқ иқлим ўзгаришининг салбий оқибатларига энг кўп дуч келаётган бешта давлатдан бири ҳисобланади.
