1 дақиқа учун ишдан бўшатилган ходим
Хитойлик аёл уйга бир дақиқа эрта кетгани учун ишдан бўшатилди.
2025 йил бошида Хитойнинг Гуангдонг провинцияси, Гуанчжоу шаҳридаги суд бир аёл ходимнинг ишдан бўшатилишини ноқонуний деб топди ва компанияни унга компенсация тўлашга мажбур қилди.
Хабарларга кўра, Ван исмли аёл ўтган йил охирида ишдан бўшатилган. Ва бунга сабаб сифатида компания уни бир ой ичида олти марта иш вақтининг тугашидан бир дақиқа олдин кетганини кўрсатган. Бу ҳолат компаниядаги видеокузатув ёзувлари орқали аниқланган.
Компания кадрлар болими бошлиги Ван билан боғланиб, бу хатти-ҳаракат иш тартибига зид эканини билдирган ва уни ишдан бўшатган. Ван эса бу қарорга норозилик билдириб, суд ва маҳаллий меҳнат ҳуқуқлари органларига мурожаат қилган. У уч йил давомида компанияда ишлаганини ва иш фаолияти давомида яхши натижаларга эришганини таъкидлаган.
Суд қарорида ишдан бўшатиш учун етарли асос бўлмаганлиги ва компания ички тартиб-қоидаларига кўра, бу каби ҳолатлар учун аввал огоҳлантириш берилиши кераклиги таъкидланди.
