АҚШ ва Франция ўртасида муҳим музокаралар ўтказилади
Учрашувларда Украина, Эрон ва бож масалалари муҳокама қилинади.
АҚШ ва Франция ўртасида геосиёсий ва иқтисодий масалаларни қамраб олувчи янги босқичдаги музокаралар бўлиб ўтиши кутилмоқда. Маълум қилинишича, АҚШ Давлат котиби ўринбосари Марко Рубио ҳамда президент Доналд Трампнинг махсус вакили Стив Уиткофф шу ҳафта охирида Францияга ташриф буюради.
Музокаралар доирасида Уиткофф Парижда Франция президенти Эммануэл Макрон билан учрашиши, Рубио эса Франция ташқи ишлар вазири Жан-Ноэл Барро билан алоҳида мулоқот олиб бориши режалаштирилган.
Манбаларга кўра, учрашувлар давомида томонлар бир нечта долзарб масалаларни — хусусан, Украинадаги уруш бўйича Ғарб сиёсатини мувофиқлаштириш, Эрон билан ядро келишуви атрофидаги вазият ҳамда АҚШнинг Европа маҳсулотларига божлар жорий этиш таҳдиди каби савдо сиёсатини муҳокама қиладилар.
Бу ташриф АҚШ ва Франция ўртасидаги стратегик ҳамкорликни мустаҳкамлаш ва яқин келажакдаги сиёсий йўналишларни мувофиқлаштиришга қаратилган навбатдаги қадам сифатида баҳоланмоқда.
