АҚШ технологиялари вақт ва маконни бошқаришга қодир
Оқ уй технологик қудрати ҳақида гапирди.
АҚШнинг энг илғор технологиялари вақт ва маконни бошқаришга имкон бермоқда. Бу ҳақда Оқ уй фан ва технология сиёсати бошқармаси директори Майкл Крациос баёнот берди.
“Бизнинг технологияларимиз вақт ва маконни бошқаришга имкон беради. Улар масофани йўқ қилади, юкларни кўтаради ва самарадорликни оширади”, — деди Крациос.
Унинг сўзларига кўра, президент Доналд Трамп ўз маъмуриятига Америка халқининг янгиланишига хизмат қилиш вазифасини юклаган. Крациос бу мақсадга эришишда замонавий технологиялар ҳал қилувчи роль ўйнаётганини таъкидлади.
Бироқ амалдор “вақт ва маконни бошқариш" деганда аниқ нима назарда тутилганини очиқламади. У бу ибора орқали технологияларнинг масофавий алоқалар, автоматлаштирилган тизимлар ёки муқобил ҳаракатланиш воситалари орқали инсон фаолиятини соддалаштираётганига ишора қилган бўлиши мумкин.
