Британияда Google'га қарши даъво қўзғатилди

 

Технология гиганти Google Буюк Британияда йирик ҳуқуқий босим остида қолди. Компанияга қарши 5 миллиард фунт стерлинг (тахминан 6,6 миллиард доллар) миқдорида жамоавий даъво аризаси судга тақдим этилди. Хабарларга кўра, иш материаллари мамлакатнинг рақобат бўйича апелляция судига келиб тушган.

 

Даъвогарлар Google'ни онлайн қидирув бозорида ҳукмронлик мавқеини суиистеъмол қилганликда айбламоқда. Уларнинг фикрича, компания рақобатчиларнинг ривожланишига тўсқинлик қилган ва қидирув рекламаларига оид хизматларида монопол ҳолат яратган. Бу орқали Google ўз платформасини реклама жойлаштиришда ягона вариантга айлантирган.

 

Даъвогарлар адвокати Ор Брукнинг таъкидлашича, Google реклама нархларини сунъий равишда юқори даражада ушлаб туриш учун қидирув бозоридаги устунликдан фойдаланган.

 

Шунингдек, даъвода қайд этилишича, компания смартфон ишлаб чиқарувчилари билан Андроид қурилмаларига Google Search ва Chrome браузерини олдиндан ўрнатиш шартини қўйган. Бундан ташқари, Аппле компаниясига Safari браузерида Google'ни стандарт қидирув тизими сифатида сақлаш эвазига миллиардлаб доллар тўлагани ҳам даъво мазмунига киритилган.

 

Мутахассислар ушбу иш технологик монополияларга қарши курашда муҳим бурилиш бўлиши мумкинлигини таъкидлашмоқда.