Германияда шифокор 15 беморни ўлдиришда айбланмоқда
Берлин прокуратураси суриштирув олиб бормоқда.
Германиянинг Берлин шаҳрида паллиатив тиббиёт соҳасида фаолият юритган 40 ёшли шифокор камида 15 беморни атайлаб ўлдиришда айбланмоқда. Бу ҳақда Берлин прокуратураси расмий баёнот эълон қилган.
Тергов органлари 2021 йил 22 сентябрдан 2024 йил 24 июлгача содир бўлган воқеаларни ўрганиб чиқиб, шифокор оғир аҳволдаги беморларга анестезик ва нерв-мушак фаолиятини секинлаштирувчи моддалар берганини аниқлади. Бу моддалар нафас олиш мушакларини фалаж қилиб, ўлимга олиб келган.
Прокуратура шифокорни “тиббиёт меъёрларига зид” ҳаракат қилганликда айбламоқда. Ҳозирда тергов давом этмоқда: яна 75 та ҳолат ўрганилмоқда, бу эса қурбонлар сони кўпроқ бўлиши мумкинлигини кўрсатмоқда.
Айбланувчи 2024 йил августидан бери тергов ҳибсхонасида сақланмоқда.
