Илон Маск “фарзандлар легионини” яратмоқда
У демографик инқирозга қарши шахсий курашни мақсад қилган.
Америкалик миллиардер ва тадбиркор Илон Маск инсониятнинг демографик келажагидан жиддий хавотирда. Маълумотларга кўра, Маск ўз фарзандларини «легион» деб атайди ва сайёрамизга иложи борича юқори даражадаги ақл-заковатга эга авлодни тақдим этишни ўз олдига мақсад қилган. Тадбиркорнинг яқинлари унинг имкон қадар кўпроқ фарзанд кўришни истаётганини тасдиқлашмоқда.
Нашрга кўра, Маск Х (собиқ Твиттер) ижтимоий тармоғида янги фарзандлар учун оналарни излаётгани ҳақида тахминлар ҳам мавжуд. У ўзининг дистопик қарашлари асосида цивилизация аҳолиси камайиб бораётгани ва бу инсоният учун хавф туғдиришини таъкидлаб келади. Апрель ойида унинг 13-фарзандининг онаси, 26 ёшли ёзувчи ва консерватив фаол Эшли Сент Клер Маскдан 2,5 миллион доллар ёрдам олгани маълум бўлди. Унга кўра, бола беш ойлик бўлиб, у фарзандини одамлар эътиборидан ҳимоя қилишни истаган.
У нафақат технологиялар оламида, балки инсониятнинг биологик келажаги ҳақида ҳам фаол ҳаракат қилмоқда. Айни пайтда, унинг шахсий ҳаёти кўплаб муҳокамаларга сабаб бўлсада, Маск ўз қарашлари ва режаларида қатъий қолмоқда.
