АҚШда 15 ёшли бола бувисини ноутбук сабаб ўлдирди
У бувисини 35 марта пичоқлаган.
АҚШнинг Нью-Йорк шаҳрида 15 ёшли ўсмир бувиси билан келиб чиққан жанжал туфайли даҳшатли жиноят содир этди. Ўсмир ўзининг 56 ёшли бувисини 35 марта пичоқлаб, уни шафқатсизларча ўлдирган.
Маълумотларга кўра, воқеа ўсмирнинг мактабга боришдан бош тортиши ортидан бошланган. Бувиси боланинг онасига ундан ноутбугини тортиб олиш кераклигини айтган. Бу қарор набиранинг ғазабини келтирган ва у пичоқ билан унга ҳужум қилган.
Ўсмирнинг 36 ёшли онаси жанжалга аралашганида, у ҳам пичоқланган. У ўзини ўлгандек қилиб кўрсатиб, ўғлининг ғазабидан қочишга уринган. Аммо қотил бувисига пичоқ уришда давом этган. Аёл воқеа жойида вафот этган.
Онаси касалхонага ётқизилган бўлиб, ҳолати оғир, аммо барқарор деб баҳоланмоқда.
Ҳудуд прокурори Раймонд А. Тиерни ўсмирни қотиллик, қотилликка уриниш ва зўравонликда айблади. Суд томонидан 15 йиллик қамоқ жазоси берилиши мумкин.
