Россияда “Толибон”га нисбатан 20 йиллик тақиқ бекор қилинди
Олий суд “Толибон”ни тақиқланган ташкилотлар рўйхатидан вақтинча чиқарди.
Россия Федерацияси Олий суди 2025 йил 17 апрель куни “Толибон” ҳаракатига нисбатан 2003–2004 йилларда қабул қилинган “экстремистик ташкилот” мақомини вақтинча бекор қилиш қарорини чиқарди. Бу қарор Россия Ташқи ишлар вазирлигининг сўровига асосан қабул қилинди. Расмийлар буни Афғонистон билан дипломатик муносабатларни ривожлантириш зарурати билан изоҳлашмоқда.
Шунга қарамай, “Толибон” ҳали ҳам кўплаб халқаро ташкилотлар, жумладан БМТ томонидан тан олинмаган. Россияда бу қарор якуний эмас – Олий суд бу борадаги якуний қарорни кейинроқ қабул қилади. Ташқи ишлар вазирлиги ва бошқа ваколатли идоралар ушбу ҳаракат билан мулоқот қилиш имкониятларини очиқ қолдирмоқда.
