Таиландда парк ходими ҳалок бўлди
У ташриф буюрувчиларнинг сувга тушиб кетган телефонини қайтармоқчи бўлган.
Таиланднинг Лам Кҳлонг Нгу миллий боғида ачинарли ҳодиса юз берди: парк қўриқчиси ташриф буюрувчининг сувга тушиб кетган телефонини қайтариб бермоқчи бўлганида ҳалок бўлди. Воқеа Тҳам Сао Хин номли ғорда содир бўлган.
Маҳаллий ОАВларнинг ёзишича, кучли ёмғир туфайли оқим кучайган бўлган. Шу вақтда 43 ёшли боғ ходими Пайсан Ванфет меҳмоннинг телефонини сувдан олиб чиқмоқчи бўлиб, сувга сакраган, бироқ сув уни олиб кетган. Шундан сўнг у кўздан ғойиб бўлган.
Ғаввослар ва қутқарувчилар воқеа жойига етиб келиб, тахминан тўққиз соатдан сўнг, кечки соат ўнларда Пайсаннинг жасадини тўрт метр чуқурликдаги тош ёриғидан топишган. Шу вақт ичида тахминан 120 сайёҳ хавфсиз равишда эвакуация қилинган.
