Эрон ва АҚШ музокаралари Уммонда давом этади
Музокаралар 26 апрель куни бўлиб ўтиши режалаштирилган.
Эрон ва АҚШ ўртасидаги билвосита музокараларнинг навбатдаги босқичи 26 апрель куни Уммон давлатида ўтказилади. Бу ҳақда Эрон ташқи ишлар вазири ўринбосари Аббос Арагчи Эрон давлат телерадиокомпаниясига берган интервьюсида маълум қилди.
Унга кўра, чоршанба куни музокаралар техник даражада экспертлар иштирокида бошланади. Шанба куни эса Арагчи ва АҚШ президентининг махсус вакили Стивен Виткофф ўзаро учрашиб, экспертлар ишининг натижаларини муҳокама қиладилар.
Арагчи Римда ўтган аввалги учрашувда музокаралар тўрт соат давом этганини ва томонлар бир қатор масалаларда ўзаро тушунувга эришганини таъкидлади. Музокараларнинг техник босқичи яқин кунларда давом эттирилади.
