Франция фуқароларига Эронга боришни тақиқлади
Саёҳатларга тўлиқ тақиқ жорий этилди.
Франция Ташқи ишлар вазирлиги фуқароларига Эронга саёҳат қилишни қатъиян ман этганини расман маълум қилди.
Огоҳлантиришда таъкидланишича, минтақада геополитик кескинлик ортиб бораётгани ва Эрон ҳамда АҚШ ўртасидаги музокаралар фонида Франция ўз фуқароларининг хавфсизлигини таъминлаш мақсадида ушбу қатъий чорани кўрган.
Расмий баёнотда шундай дейилади: “Ҳеч қандай ҳолатда ҳам француз фуқаролари Эронга саёҳат қилмаслиги лозим. Бу нафақат хавфли, балки дипломатик муаммоларга олиб келиши мумкин”.
Франция ҳукумати, шунингдек, Эрон ҳудудида бўлиб турган фуқароларини зудлик билан мамлакатни тарк этишга чақирди.
Мазкур чора Ғарб ва Эрон ўртасидаги таранглик фонида халқаро хавфсизлик чоралари кучайтирилаётганининг яна бир далили сифатида кўрилмоқда.
