Мексикада кучли қум бўрони кузатилмоқда
Бўрон туфайли аэропорт ва асосий йўллар ёпилган.
Мексиканинг шимолий ҳудудларида кучли қум бўрони юз берди. Хабар берилишича, табиий офат бир нечта аҳоли пунктларини қамраб олган ва ҳаётий инфратузилмаларга жиддий таъсир кўрсатмоқда.
Бўрон оқибатида Чиҳуаҳуа халқаро аэропортида барча самолётлар парвозлари тўхтатилган. Шу билан бирга, мамлакатдаги муҳим автомобиль йўлларидан бири — Пан-Америка шоссеси ҳам вақтинча ёпилган.
Расмийларнинг маълумотларига кўра, ҳодиса натижасида ҳозирча қурбонлар ёки жароҳатланганлар ҳақида маълумот йўқ. Ҳукумат аҳолини эҳтиёт бўлишга ва имкон қадар очиқ жойларда юрмасликка чақирмоқда.
