Хитой ядровий бўлмаган водород бомбасини синовдан ўтказди
Ушбу қурилманинг портлаш кучини назорат қилиш мумкин.
South China Morning Post нашри ёзишича, хитойлик олимлар ядровий материалларсиз водород асосидаги бомба синовини муваффақиятли амалга оширди. Қурилма Хитой давлат кемасозлик корпорациясига қарашли илмий-тадқиқот институти томонидан ишлаб чиқилган.
Тадқиқотда таъкидланишича, оғирлиги 2 килограмм бўлган бомба портлаши натижасида ҳарорати 1000°C дан ошувчи оловли шар икки сониядан ортиқ вақт давомида сақланган. Бу кўрсаткич шунча тротилга тенг миқдордаги портлашдан анча юқори ҳисобланади.
Олимлар ушбу қурилманинг портлаш кучини назорат қилиш мумкинлигини билдирган. Бу эса стратегик ҳудудлардаги объектларни аниқ ва самарали йўқ қилиш имконини яратади.
