Хитойда 9 ёшли қиз 25-қаватдан қулаб тушди
Қизча мўъжизавий тарзда омон қолган.
Хитойнинг Тангшан шаҳрида юз берган ҳодиса ижтимоий тармоқларда катта шов-шувларга сабаб бўлди. 9 ёшли қиз хонани шамоллатмоқчи бўлиб деразани очишга ҳаракат қилган. Аммо, дераза мустаҳкам бўлмаган ва у 25-қаватдан пастга йиқилган.
Мўъжизавий тарзда, қиз 7-қават балконларидан бирига тиқилиб қолган. Шу ерда яшовчи қўшнилар қизни топиб олишган. Дастлаб у ўрнидан туриб бир неча қадам юрган, бироқ қаттиқ оғриқ сабаб ҳушидан кетган.
Шифокорлар қизнинг бир неча жойидан жароҳатланганини, лекин унинг аҳволи аста-секин яхшиланаётганини маълум қилишган. Воқеа ота-оналарга болалар хавфсизлигини таъминлаш зарурлигини яна бир бор эслатмоқда.
