АҚШда миллионерларга солиқ миқдорини ошириш режалаштирилмоқда
Шу орқали давлат ғазнасини тўлдириш кутилмоқда.
АҚШ ҳукумати миллионерлардан олинадиган даромад солиғини ошириш орқали ўн йил ичида ғазнага юзлаб миллиард доллар жалб қилиши мумкин. Маълум қилинишича, Yel университетидаги Budget Lab маркази олиб борган ҳисоб-китобларга кўра, йиллик даромади 1 миллион доллар ёки ундан юқори бўлган америкаликларга қўлланиладиган солиқ ставкасини 40 фоизгача кўтариш натижасида давлат бюджетига 420 миллиард доллар тушиши мумкин.
Tax Foundation маркази эса бу рақамни бироз эҳтиёткорлик билан баҳолаб, 10 йиллик давр мобайнида кутилаётган тушум 358 миллиард долларни ташкил этишини билдирган.
Ҳозирда АҚШда энг юқори даромад солиғи ставкаси 37 фоизни ташкил этади. Таклиф қилинаётган ўзгариш, илгари Доналд Трамп маъмурияти томонидан учлик солиғи (пасс-тҳроугҳ тах) бекор қилинишидан келиб чиққан 118 миллиард долларлик бюджет йўқотишларини қоплашга хизмат қилиши мумкин.
Шунингдек, Трамп энг бой америкаликларга солиқларни ошириш масаласини қайта кўриб чиқишга тайёрлигини маълум қилган эди. Бу таклиф республикачиларга демократларнинг “ишчи синф манфаатларига зид сиёсат юритилмоқда” деган танқидларига жавоб сифатида ёрдам бериши мумкин.
Олдинги хабарларига кўра, ўтган йилги президентлик сайловлари арафасида Трамп бадавлат донорлар томонидан айнан уларнинг солиқларини камайтиришга берган ваъдалари туфайли қўллаб-қувватланган эди.
