Руминияда 8 соат ичида 5 марта ер қимирлади
Энг кучли силкиниш 3,9 балл бўлган.
Руминиянинг сейсмик жиҳатдан фаол бўлган Врансеа ҳудудида 21 апрель оқшомидан 22 апрель тонгигача бешта ер силкиниши рўй берди. Мутахассисларнинг айтишича, уларнинг энг кучли магнитудаси 3,9 баллга етган.
Биринчи зилзила 16:00 атрофида Бузау шаҳри яқинида 121 км чуқурликда юз берган. Кечаси эса 23:15 да 70 км чуқурликда кучлироқ силкиниш қайд этилган, дастлаб 4 балл деб баҳоланган бу зилзила кейинчалик 3,9 балл сифатида таснифланган. Орадан бир неча дақиқа ўтиб, яна 3,3 балли силкиниш содир бўлган.
Сейсмологларнинг таъкидлашича, ушбу зилзилалар ўртача даражада бўлиб, ҳеч ким зарар кўрмаган. Аммо бу воқеалар Врансеанинг зилзилалар билан боғлиқ хавфи ҳали ҳам долзарблигича қолмоқда.
