АҚШ Эронга қарши янги санкциялар жорий этди
Қўшма Штатлар Эронга қарши иқтисодий босимни кучайтирмоқда.
АҚШ Эроннинг суюлтирилган газ (МДҲ – пропан ва бутан аралашмаси) экспортига алоқадор бўлган икки жисмоний ва 12 юридик шахсга қарши янги санкциялар киритди.
АҚШ Давлат департаменти матбуот котиби Темми Брюснинг ёзма баёнотига кўра, санкциялар Эрон фуқароси Саййид Асадулло Эмамжомеҳ ва унинг суюлтирилган газ ташиш тармоғига нисбатан қўлланилган. Улар юз миллионлаб долларлик маҳсулотни хорижий бозорга чиқариб, Эрон режимининг зарарли фаолиятини молиялаштирганликда айбланмоқда.
“Ушбу даромадлар Эроннинг ядровий дастури, баллистик ракеталар ишлаб чиқиши ва турли террористик гуруҳларни қўллаб-қувватлашига йўналтирилган,” – дейди Брюс.
АҚШ расмийларининг таъкидлашича, Эрон компаниялари санкциялардан қочиш мақсадида ўз логистика тармоқларини доимий равишда ўзгартириб келмоқда. Вашингтон эса бундай ҳаракатларга қарши қатъий чоралар кўришни давом эттиришини билдирган.
