Буюк Британия ва Франция Украинани қўллаб-қувватлашда давом этади
"Украина билан бирга эканимизни унутмаймиз".
Буюк Британия ва Франция Украина билан бирдамликда эканини яна бир бор тасдиқлади. Бу баёнот АҚШ вице-президенти Жей Ди Венснинг Украина бўйича тинчлик музокараларидан чиқиш эҳтимоли ҳақидаги сўзларига жавобан билдирилди.
Буюк Британия бош вазири Киир Стармернинг матбуот котиби:
"Охир-оқибат, Украина ўз келажагини ўзи белгилайди. Аммо биз уни ҳеч қачон ёлғиз қолдирмаймиз", — дея таъкидлади.
Франция президенти Эммануэл Макрон маъмурияти эса қуйидагича баёнот берди:
"Украинанинг ҳудудий яхлитлиги ва Европа интеграциясига интилиши – бу Европа халқлари учун ниҳоятда муҳимдир".
Ушбу баёнотлар Ғарб мамлакатларининг Украинага бўлган доимий сиёсий ва дипломатик қўллаб-қувватловини яна бир бор тасдиқлади.
