Руминия бош вазири истеъфога чиқишини эълон қилди
У президентлик сайловларидан кейин бу қарорга келган.
Руминия бош вазири Марчел Чолаку сиёсий масъулиятни зиммасига олиб, истеъфога чиқишини эълон қилди. У бу қарорни 5 май куни партия йиғилишидан сўнг журналистларга маълум қилди.
“Сайлов натижалари шуни кўрсатдики, ҳукмрон коалиция энди халқнинг ишончини йўқотган. Шунинг учун бош вазир лавозимидан кетишга қарор қилдим,” — деди Чолаку очиқ ва ҳалол оҳангда.
Эслатиб ўтамиз, 4 май куни ўтган президентлик сайловларининг биринчи босқичида ўта ўнгчи сиёсатчи Жорже Симион етакчилик қилди, Бухарест мери Никушор Дан иккинчи, ҳукмрон коалиция номзоди Крен Антонеску эса учинчи ўринни эгаллади. Бу натижалар Руминия сиёсатида катта ўзгаришлар бўлиши мумкинлигини кўрсатмоқда.
