Трамп ва Эрдоған муҳим масалаларни муҳокама қилди
Суҳбатда Украина можаросига алоҳида тўхталиб ўтилган.
Туркия президенти Ражаб Тойиб Эрдоған АҚШ президенти Доналд Трамп билан суҳбатлашди. Трамп бу ҳақда ўзининг Трутҳ Сосиал саҳифасида ёзиб қолдирди. Уларнинг суҳбатида асосан Украина можароси, АҚШ-Эрон музокаралари, Сурия ва Ғазо масалалари муҳокама қилинган.
Трампнинг айтишича, Эрдоған АҚШнинг Украина можаросини тугатишга оид ҳаракатларини қўллаб-қувватлаган. Шунингдек, улар икки давлат ўртасидаги муносабатлар ва мудофаа соҳасидаги ҳамкорликни ривожлантириш масалаларини ҳам муҳокама қилган.
Қизиғи шундаки, суҳбатда Трамп Эрдоғанни Вашингтонга, Эрдоған эса Трампни Туркияга таклиф қилган.
