Навоийда ноқонуний оҳак пишириш хумдонлари ёпилди
Текширувлар давомида хумдонлардан атмосферага ифлослантирувчи моддалар чиқарилгани аниқланган.
Навоий вилоятида 30 дан ортиқ ноқонуний фаолият юритаётган оҳак пишириш хумдонлари фаолияти тўхтатилди. Бу ҳақда Экология бошқармаси, прокуратура, ИИБ ва Миллий гвардия вакилларидан иборат ишчи гуруҳ ўтказган ўрганишлар натижасида маълум қилинди.
Кармана туманининг "Янгиариқ" маҳалласи ҳудудида олиб борилган текширувлар давомида хумдонлардан атмосферага ифлослантирувчи моддалар чиқарилгани аниқланган. Шунингдек, хатлов ишлари давомида бир нечта оҳак ишлаб чиқариш цехлари ҳам рухсатсиз фаолият юритиб келаётгани фош этилди.
Талабларга зид равишда ишлаётган 36 та ноқонуний хумдон бузиб ташланди.
Мутасаддилар ўрганиш ишлари давом этаётганини, қолган ноқонуний фаолият юритаётган хумдонларни ҳам тўлиқ тўхтатиш режалаштирилганини билдирди.
