Тошкентда иссиқ сув тарифлари оширилмоқда
Янги таърифлар депутатлар томонидан маъқулланди.
“Veolia Energy Tashkent” таклифига кўра пойтахтда иссиқ сув ва иссиқлик таъминоти хизматлари тарифлари оширилиши Халқ депутатлари шаҳар кенгаши томонидан маъқулланди.
Кенгашнинг 22 августдаги қарорига кўра, базавий тариф ҚҚСсиз — 711 641 сўм/Гкал, аҳоли учун ҚҚСсиз — 139 860 сўм/Гкал, бюджет ташкилотларига — 952 797 сўм/Гкал, бошқа улгуржи хизматлар кўрсатувчи ташкилотларга — ҚҚСсиз 342 296 сўм/Гкал миқдорида нархлар (тарифлар) қўлланилиши маъқулланди.
Иссиқлик ва иссиқ сув таъминоти хизматларининг янги чакана тарифи аҳоли учун 15 фоизга, юридик шахслар учун 40 фоизга, бюджет ташкилотлари учун 18,8 фоизга ошириш кўзда тутилган. Эндиликда ушбу ҳужжатни шаҳар ҳокими Шавкат Умурзоқов имзолаши керак.
Маълумот учун, “Veolia Energy Tashkent” тарифларни 2025 йил 1 октябрдан оширишни таклиф қилган.
