Ўзбекистонлик спортчилар ТОП-100 аёл атлетлар рейтингига кирди
Жумладан, Сафина Саъдуллаева жаҳон рейтингида 12-ўринга кўтарилди.
Жаҳон енгил атлетика федерацияси аёл спортчилар учун TOP-100 рейтингни янгилади. Унда дунёнинг энг кучли 100 нафар енгил атлет аёллари орасида Ўзбекистондан ҳам тўрт нафар спортчи ўрин олди.
Баландликка сакраш йўналишида Сафина Саъдуллаева жаҳон рейтингида 12-ўринга кўтарилди ва Осиёда рақобатсиз деб топилди. Шу йўналишда яна бир ҳамюртимиз Барнохон Сайфуллаева дунё бўйича 60-ўринда, Осиёда эса 6-ўринни эгаллади.
Уч ҳатлаб сакраш бўйича Шарифа Давронова глобал рейтингда 19-поғонада, Осиёда эса биринчи ўринда турибди.
Ядро итқитишда Малика Насриддинова рейтингда уч поғона юқорилаб, дунё бўйича 51-ўринга чиқди, Осиёда эса саккизинчи ўринни банд этди.
