“Ташаббус бюджети ”да янги тартиб: 50 фоиз маблағни аҳоли тўласа, лойиҳа автоматик ғолиб бўлади
“Ташаббус бюджети” иштирокчилари учун янги имкониятлар тақдим этилди.
2026 йилдан бошлаб “Ташаббус бюджети” доирасида ижтимоий лойиҳаларни молиялаштиришда янги тартиб жорий этилади. Янги механизмга кўра, агар ташаббускорлар лойиҳа қийматининг ярмига тенг маблағни ўз ҳисобига қопласа, қолган 50 фоизи давлат томонидан молиялаштирилади. Бундай ташаббуслар овоз бериш жараёнисиз ғолиб деб топилади ва дарҳол амалга оширилади.
Президент қарорида қайд этилишича, бу янгилик фуқаролар ва давлат ҳамкорлигида маҳаллий муаммоларни тезроқ ҳал этишга хизмат қилади.
Шунингдек, Олий Мажлис депутатларига қўшимча имкониятлар берилади: улар йил давомида овоз йиға олмаган икки лойиҳани танлаб, ҳар бирига 3,3 миллиард сўмгача маблағ ажратилиши мумкин бўлади. Ушбу ташаббуслар ҳам автоматик равишда ғолиб ҳисобланади.
Жараённинг шаффофлигини таъминлаш мақсадида Очиқ бюджет порталида махсус реестр ва ғолиб лойиҳалар харитаси яратилади.
