Қишлоқ хўжалиги вазирлиги: “1 кг пахта учун 1 800 сўм” ҳақидаги хабар асоссиз

Ўзбекистон Республикаси Қишлоқ хўжалиги вазирлиги ижтимоий тармоқларда тарқалган “пахта терими учун 1 килограммига 1 800 сўм тўланади” мазмунидаги хабар юзасидан қуйидагиларни маълум қилади:

 

2025 йилда пахта терими нархлари қуйидагича белгиланган:

 

Машина ёрдамида терилган пахта – 1 373 сўм;

 

Қўл меҳнати билан терилган пахта – 2 000 сўм тавсиявий нарх сифатида белгиланган. Шу билан бирга, терим нархлари кластерлар, фермер хўжалиги раҳбарлари ва теримчилар ўртасида ўзаро келишув асосида мустақил белгиланади.

 

Давлат томонидан субсидия – пахта етиштириш харажатларини қоплаш мақсадида ҳар бир килограмм учун 1 000 сўм субсидия ажратилади.

 

Ушбу тартиб пахта етиштирувчилар манфаатларини ҳимоя қилиш, теримчилар меҳнатини рағбатлантириш ва аграр тармоқда барқарорликни таъминлашга қаратилган.

 

Шунинг учун “1 кг – 1 800 сўм” ҳақидаги маълумот ҳақиқатга тўғри келмайди ҳамда расмий ҳужжатлар билан тасдиқланмаган.