Ўзбекистонлик ёш дзюдочилар жаҳон чемпионатида мутлақ ғолиб бўлди
Болгарияда бўлиб ўтган мусобақада ўзбекистонлик кадетлар 5 олтин, 2 бронза ва 1 кумуш медални қўлга киритди.
Болгарияда ўтказилган дзюдо бўйича кадетлар ўртасидаги жаҳон чемпионатида Ўзбекистон терма жамоаси тарихий натижага эришди. Ёш дзюдочиларимиз жами 5 та олтин ва 2 та бронза медалини қўлга киритиб, 71 давлат орасида умумжамоа ҳисобида биринчи ўринни эгаллади.
Олтин медалларни Дилафруз Болтабоева (-40 кг), Хушнуд Султонов (-50 кг), Хушнудбек Бурҳонов (-55 кг), Иномжон Баҳодиров (-81 кг) ва Умида Ниғматова (+78 кг) қўлга киритди. Шунингдек, Дилшод Каримов (-60 кг) ва Саъдулла Равшанов (-73 кг) бронза билан тақдирланди.
Медаллар сонига кўра, Ўзбекистон терма жамоаси ИЖФ байроғи остида қатнашган россиялик спортчилар (4 олтин, 3 бронза) ва Бразилия (2 олтин, 1 кумуш, 2 бронза) терма жамоаларини ортда қолдирди.
Аралаш жамоавий баҳсларда эса Ўзбекистон кадетлар жамоаси илк бор финалга чиқиб, кумуш медални қўлга киритди. Муросасиз кечган ҳал қилувчи баҳсда дзюдочиларимиз Японияга имкониятни бой берди.
