Хитой методикаси асосида таълим бериладиган янги давлат мактабгача таълим ташкилоти ўз фаолиятини бошлади
Чирчиқда касбга йўналтирилган боғча ташкил этилди.
Тошкент вилоятининг Чирчиқ шаҳрида Мактаб ва мактабгача таълим Вазирлиги томонидан ташкил этилган яна бир янги боғчанинг очилиш маросими бўлиб ўтди. Бир неча йиллар мобайнида фаолият юритмаган боғчанинг қурилиш ишлари 2021 йил бошланиб 2025 йил ўз якунига етди. 260 ўринга мўлжалланган ташкилот қурилишида 4 миллиарддан зиёд маблағ ажратилган.
Қайд этилишича 14-ДМТТ болаларни касб-ҳунарга бўлган қизиқишини оширишга мўлжалланган бўлиб бунда ҳар бир бола ўз истеъдодига мос фаолиятларга йўналтирилган.
Муассаса болалар қобилиятини эрта аниқлаш мақсадида мазкур касбларга мўлжалланган гуруҳларга бўлиб тарбияланади хусусан:
- тикувчилик
- қурувчилик
- сартарош
- деҳқончилик ва халқ табобати
- ошпазлик
- дизайнерлик
- хитой тили
- спорт
- робототехника каби йўналишлар билан шуғулланишга шароитлар яратилган.
Болалар қобилияти психологлар орқали ўрганилиб ҳар бир бола қобилиятига мос фаолиятларга йўналтирилган.
Шунингдек тарбияланувчиларга махсус роботлар орқали хитой тилида мусиқа ноталари ҳам ўргатилади.
Чирчиқ шаҳар ҳокими Хитойга ташрифи давомида тажриба алмашув жараёнида мактабгача таълим ташкилотларига ҳам ташриф буюриб болаларга берилаётган тарбия жараёнида болаларни касбга йўналтириш ғоясини илгари сурган ҳамда ўзимизда қўллашни режа қилган.
Муассаса болаларни жамоа билан ишлаш ва уларни ижодий қобилиятларини ривожлантириш мақсадида ташкил этилган. Бу тизим сифатини янги босқичга олиб чиқиш учун муҳим омил саналади. Маълумот ўрнида мазкур МТМ 1985 йилда ўз фаолиятини бошлаган. Айни пайтда замонавий стандартларга жавоб берадиган муассасада креатив фикрловчи болаларни ривожлантириш учун барча шароитлар яратилган.
Муассаса мақсади - болаларни жамоа билан ишлаш ва уларни ижодий қобилиятларини ривожлантиришдан иборат.
