“Шукун” лақабли жиноий гуруҳ аъзоси қўлга олинди
У уюшган жиноий гуруҳ аъзоси сифатида рўйхатга олинган ва жиноий доираларда анча фаол бўлган.
Қирғизистон Миллий хавфсизлик давлат қўмитаси матбуот хизмати маълум қилишича, ўта оғир жиноятлар учун муқаддам судланган, “Шукун” лақаби билан танилган шахс қўлга олинди.
Тергов маълумотларига кўра, у уюшган жиноий гуруҳ аъзоси сифатида рўйхатга олинган ва жиноий доираларда анча фаол бўлган. Гумонланувчи наfaқат жиноий ғояларни тарғиб қилган, балки ёшларга таъсир кўрсатиб, уларни гуруҳга жалб қилган ҳамда ҳудуддаги яширин иқтисодий оқимларни назорат қилиб келган.
Ушбу шахс қўлга олинган пайтда гиёҳванд модда таъсирида бўлгани аниқланган. Ҳозирда у вақтинчалик сақлаш ҳибсхонасига жойлаштирилиб, тергов ишлари олиб борилмоқда.
Эслатиб ўтамиз, яқинда марҳум криминал авторитет Қамчибек Кўлбоевнинг яқин ҳамкори, “Узун Улан” номи билан танилган Улан Барчакеев ҳам Москвада қўлга олиниб, Бишкекка олиб келинганди.
